चुनाव हारेकालाई देउवाले भने, ‘म बुढो त निराश छैन,तपाईंहरु किन निराश ?’

काठमाडौँ । प्रधानमन्त्री एबम नेपाली कांग्रेसका सभापति शेरबहादुर देउवा पार्टी नेतृत्वको आलोचना गर्ने पार्टीभित्रैका विरोधीहरुप्रती आक्रामक शैलीमा प्रस्तुत भएका छन्।मेलमिलाप दिवसको अवसरमा नेपाल विद्यार्थी संघले आयोजना गरेको आजको सन्दर्भ र राष्ट्रिय मेलमिलाप’ विषयक विचार गोष्ठीमा बोल्दै सभापति देउवाले चुनावमा पराजित हुने उम्मेदवारहरुलाई जथाभावी नबोल्न चेतावनी समेत दिए ।

‘पार्टी भित्र मेरो बिरोध गर्नेले पनि बुझुन्,’ प्रधानमन्त्रीसमेत रहेका देउवाले कडा रुपमा प्रस्तुत हुँदै नेताहरुलाई प्रश्न गरे, ‘चुनाव आफैं हार्ने अनि मलाई हरायो भन्ने ?’उनले पार्टीका नेता रामचन्द्र पौडेल लगायतका अन्य पराजित भएका नेताहरुले अन्तरघात गरेको आरोप लगाएको तर्फ संकेत गर्दै कडा रुपमा जवाफ दिएका हुन् ।

सभापति देउवाले आफ्नै कारणले कांग्रेस पराजित भएको भन्दै अब पार्टी भित्रै अनुसाशनसहितको मेलमिलाप आवश्यक भएको बताए । एक्का एक्लै लड्दा कांग्रेस कुनै पार्टी भन्दा कमजोर नभएको भन्दै युवाहरु निराश हुन नहुने बताए । ‘कांग्रेस हारेको छैन, तपाई युवाहरु किन निराश हुनुभएको ?,’ उनले भने, ‘म बुढो त निराश भएको छैन, तपाईंहरु किन निराश हुने ।’

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice