सर्वोच्च अदालतको अवहेलना गरेको भन्दै ओली र दाहालविरुद्ध मुद्दा दायर

काठमाडौँ । कात्तिक ९ मा आयोजित एक पत्रकार सम्मेलनमा एमाले अध्यक्ष केपी ओली र माओवादी केन्द्रका अध्यक्ष प्रचण्डले सर्वोच्च अदालतको अवहेलना हुने गरी अभिव्यक्ति सार्वजनिक गरेको भन्दै राजपाका नेता सर्वेन्द्रनाथ शुक्लले ओली र दाहालविरुद्ध सर्वोच्च अदालतमा सोमबार अवहेलना मुद्दा दायर गरेका छन्।

ओली र दाहालले कात्तिक ९ गते आयोजित पत्रकार सम्मेलनमा अदालतको अवहेलना हुने गरी अभिव्यक्ति दिएको दाबीसहित एक वर्षसम्म कैद र १० हजार रुपैयाँसम्म जरिवानाको माग गर्दै मुद्दा दर्ता भएको हो।

उनीहरूले ‘आयोगले पूर्व निर्णयअनुरूप मतपत्र छपाइ प्रक्रिया अघि बढाउने,’ ‘कुनै हालतमा मतपत्र छपाइको अर्को निर्णय हुन नदिने,’ ‘विभिन्न निहुँमा अलगअलग मतपत्र छाप्ने प्रक्रिया अघि बढ्न नदिने’ जस्ता अभिव्यक्तिका कारण अदालतको आदेशको मर्यादा र न्यायालयको गरिमा गिराउने कार्य भएको दाबी शुक्लको छ। नेताद्वयलाई सर्वोच्चमा उपस्थित गराएर बयान लिनसमेत निवेदकको माग छ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice