साङगेसँग ‘मनपेट’ साटेका देउवाले आज मोदीलाई भेट्दै

काठमाडौं । नेपाली कांग्रेसका सभापति शेरबहादुर देउवा र तिब्बती प्रधानमन्त्री लोब्साङ साङगेबीच अनौपचारिक भेटवार्ता भएको छ ।

प्रधानमन्त्री नरेन्द्र मोदीको भारतीय जनता पार्टीले आयोजना गरेको ‘थिंक ट्यांक’ कार्यक्रममा प्रमुख वक्ताका रुपमा सम्बोधन गर्न पुगेका सभापति देउवाले निर्वासित तिब्बत सरकारका प्रधानमन्त्री लोब्साङ साङ्गेसँग अनौपचारिक कुराकानी गरेका हुन् ।

तिब्बत सरकारका निर्वासित पूर्व प्रधानमन्त्री दलाई लामाले शुक्रबार गोवामा भिडियोमार्फत कार्यक्रमको सम्बोधन गर्नुअगावै सभापति देउवाले प्रधानमन्त्री साङगेबीच एक्ला एक्लै गोप्य भेटवार्ता भएको थियो । तर के विषयमा कुराकानी भयो त्यसबारे जानकारी गराइएको छैंन ।

गोवामा भएको कार्यक्रमको वक्ता भाजपाका अध्यक्ष अमित शाह थिए । निर्वासित बौद्ध धार्मिक नेता समेत रहेका दलाई लामाले भिडियो मार्फत सम्बोधन गरेका थिए । स्रोतका अनुसार कार्यक्रम सुरु हुनुअघि नै देउवा र साङ्गेबीच भेट भयो,समारोहमा देउवाले बोलेपछि उनले दलाई लामाको भिडियो सम्बोधन समेत हेरेका थिए । त्यसपछि साङ्गेको सम्बोधन गरेका थिए ।

गोवाको कार्यक्रम सकिएसँगै आज मंगलबार सभापति देउवाले भारतीय प्रधानमन्त्री नरेन्द्र मोदीसँग भेटवार्ता गर्ने भएका छन् । स्थानीय समयअनुसार उनले आज बिहान १०ः४० मा भेटवार्ता गर्ने भएका हुन ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice