राष्ट्रपति मुखर्जीको सवारीमन्त्रीमा संस्कृति ,पर्यटन तथा नागरिक उड्डेयनमन्त्री शाही

काठमाडौं । नेपालको राजकिय भ्रमणमा आउन लागेका राष्ट्रपति प्रणव मुखर्जीको सवारीमन्त्रीमा संस्कृति , पर्यटन तथा नागरिक उड्डेयनमन्त्री जीवनबहादुर शाहीले जिम्मेवारी पाएका छन् ।

यो अन्र्तराष्ट्रिय कूटनीतिक अभ्यास हो । सवारी मन्त्रीले नेपाल भ्रमणमा आएका पाहुनालाई जाने ठाउँमा अगाडि लागेर बाटो देखाउने काम गर्नुपर्छ । सवारी मन्त्रीसँग शिष्टाचार ज्ञानसमेत हुनुपर्छ ।

यता, सवारीमन्त्रीको जिम्मेवारी पाएका  शाहीले भारतीय राष्ट्रपति मुखर्जीको भ्रमण तालिकाअनुसार जाने भनिएको ठाउँ जनकपुर र पोखराको स्थलगत अनुगमन गरिसकेका छन् । उनी पुनःनिरीक्षणका लागि शनिबार पोखरा गएर आइतबार काठमाडौं फर्किएका हुन् ।

राष्ट्रपति विद्यादेवी भण्डारीको निमन्त्रणामा मुखर्जीले यही कात्तिक १७ गतेदेखि १९ गतेसम्म नेपालको भ्रमण गर्दैछन् ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice