bijaystdClass Object ( [error_code] => 12 [error_msg] => REST API is deprecated for versions v2.1 and higher (12) [request_args] => Array ( [0] => stdClass Object ( [key] => method [value] => fql.query ) [1] => stdClass Object ( [key] => format [value] => json ) [2] => stdClass Object ( [key] => query [value] => SELECT url, normalized_url, share_count, like_count, comment_count, total_count, commentsbox_count, comments_fbid, click_count FROM link_stat WHERE url = http://yeskathmandu.com/2016/10/35096 ) ) )

अर्खाैलेमा बनाई नसक्दै भत्कियो सडकको नाली र पर्खाल

खोटाङ । कालोपत्रेको काम थालिएको दिक्तेल–हलेसी सडकखण्डको अर्खौले क्षेत्रमा निर्माण गरिएको नाली र पर्खाल बनाई नसक्दै भत्किएको छ ।

सडकमा पस्ने भलबाढी कटाउन आसपासमा निर्माण गरिएको नाली तथा सडकमुनिबाट उठाइएको पर्खाल बनाई नसक्दै भत्किएको हो । निर्माणको जिम्मा लिएको ठेकेदार कम्पनीको लापर्बाहीले निर्माणाधीन सडकको नाली र पर्खाल बनाई नसक्दै भत्किएको स्थानीय किशोर श्रेष्ठले बताउनुभयो ।

“नालीमा प्रयोग गरिएका सिमेन्ट र बालुवाको मात्रा मिलाइएको थिएन ।” नेकपा (एमाले) खोटाङका जिल्ला सदस्य समेत रहेएका श्रेष्ठले भने, “यसप्रति समयमै सम्बन्धित निकायको ध्यान गएको भए यस्तो हुँदैनथ्यो ।”

नाली र पर्खाल निर्माणमा प्रयोग गरिएको सिमेन्ट र बालुवाको मात्रा नमिलेकै कारण बनाइ नसक्दै भत्किएको निर्माण गर्नमा सहभागी कामदारले स्वीकारेका छन् । “हामीले मात्रा मिल्दैन भनेकै हो ।” नाम नभन्ने सर्तमा एक कामदारले भने, “ज्यालादारीमा काम गर्ने कामदार न परियो, ठेकेदारले अह्राएको काम गर्दा यस्तै भयो ।”

आयोजनास्थलमा खटिएका इन्जिनियर प्रकाश चौधरीले भने सडकमा निर्माणाधीन नाली तथा गाह्रो भत्किनुका कारण लगातारको वर्षा भएको दाबी गरे । मध्यपहाडी लोकमार्गमा पर्ने ४२ किलोमिटर सडकमध्ये हलेसीदेखि अर्खौलेसम्मको १२ किलोमिटर सडक कालोपत्रेको जिम्मा सूर्य कन्ट्रक्सनले लिएको हो ।

जिल्लामा निर्माणाधीन भौतिक पूर्वाधारका विषयमा स्थानीय प्रशासनले समेत चासो नदिएको स्थानीयले बताएका छन् । दुई वर्षभित्र सम्पन्न गर्ने गरी निर्माणको जिम्मा लिएको उक्त सडक ठेकेदार कम्पनीको लापर्बाहीले तीन वर्ष पूरा हुँदा समेत सम्पन्न भएको छैन ।

एसियाली विकास बैंकको आर्थिक सहयोगमा कालोपत्रेको काम थालिएको सडक हाल फराकिलो पार्नेबाहेक केही भएको छैन । वर्षायाममा समेत सवारीसाधन सञ्चालन हुँदै आएको उक्त सडकमा अहिले फराकिलो पार्ने क्रममा सडकमा झरेको आलो माटोका कारण यातायात अवरुद्ध छ ।

जिल्लाका अन्य विकासे योजनामा समेत खबरदारी गर्न आवश्यक रहेको नेकपा (माओवादी केन्द्र) खोटाङकी सचिव दुर्गाजयन्ती राईले बताउनुभयो । “जिल्लामा भइरहेको विकास निर्माणका योजना जिल्लावासीकै हो ।” पूर्व सांसद समेत रहनुभएकी राईले भने, “यसप्रति हामी सबैले खबरदारी गर्नुपर्छ ।”

जिल्लामा निर्माणाधीन सडक मात्र नभई सबैजसो विकासे योजनामा ठेकेदारले लापर्बाही गर्ने गरेको पाइएको छ । केही वर्षअघि निर्माण सम्पन्न भएको जिल्ला विकास समितिको भवनसमेत कम गुणस्तरीय रहेको बताइएकोछ । रासस

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice