एमालेलाई गोप्य सुचना दिएको प्राधिकरणका सिइओ ज्ञवालीलाई प्रचण्डको आरोप

काठमाडौं । केपी ओली नेतृत्वको सरकार ढाल्न रातदिन खट्टिएका दीपकुमार उपाध्यक्षलाई प्रधानमन्त्री पुष्पकमल दाहाल प्रचण्ड र कांग्रेस सभापति शेरबहादुर देउवाले फेरी भारतको राजदूतमा सिफारिस गरेर गुन तिरे । ओली सरकार ढाल्न सक्रिय सहयोग गरेका अर्का पूर्वकर्मचारीलाई स्थान दिन प्रचण्ड र देउवाले पुर्ननिर्माण प्राधिकरणका सिइओ सुशील ज्ञवालीलाई हटाउने तयारी गरेका छन् । उनलाई हटाउन दाहालका भित्रि दुई आरोप रहेका छन् ।

प्राधिकरण र आफुसँग भएका गोप्य कुराहरु एमालेलाई दिने गरेको पहिलो आरोप प्रधानमन्त्री दाहालले ज्ञवालीलाई लगाएका छन् । ‘मैले भनेका सवैकुरा एमालेसँग सुशीलले परयाउँदा रहेछन्’ गत मंगलबार माओवादी केन्द्रका नेताहरुसँग प्रधानमन्त्री दाहालले बालुवाटारमा भने ‘कोही योग्य र विश्वासिलो साथीलाई ल्याउनु परयो ।’

दाहालले सिइओ फेर्ने कुरा गरेपछि नेता बर्षमान पुनले आफ्नो नजरमा एउटा इमान्दार ब्यक्ति भएको बताए । तर ति ब्यक्ति को हनु् ? उनको नाम भने त्यहाँ उच्चारण गरेनन् । पुर्ननिर्माण प्राधिकरणका लागि प्रधानमन्त्री दाहाल र माओवादी केन्द्रका नेताहरुले आफु अनुकुलको सिइओ खोजिरहेका छन् ।

ज्ञवालीलाई प्रधानमन्त्री दाहालले अर्काे आरोप पनि लगाएका छन् । पुर्ननिर्माण प्राधिकरणको काम सुस्तरुपमा बढाएको र आफ्ले भने अनुसारको स्पिड समाउन नसकेको आरोप प्रचण्डले लगाएका छन् । तर ज्ञवाली भने यसलाई आरोपका नाममा आरोप मात्र भएको दावी गरिहेका छन् ।

सत्ता गठबन्धनका कांग्रेस सभापति देउवा भने सिइओ ज्ञवालीलाई हटाएर सुशील कोइराला नेतृत्वको सरकारमा सिइओ भइसकेका गोविन्द पोखरेललाई ल्याउने तयारीमा छन् । उनले सिइओका लागि पोखरेललाई दाहालसँग सिफारिस पनि गरिसकेका छन् । तर देउवाको सिफारिस भन्दा आफु निकटको ब्यक्ति ल्याउन तयारीमा प्रधानमन्त्री दाहाल रहेका छन् ।

ओली सरकार ढाल्न उपाध्याय र पोखरेले नेताका घर–घर धाएका थिए । उपाध्यायले त्रिपुरेश्वर स्थित आफ्नै घरमा कयौ पटक कांग्रेस–माओवादी केन्द्रका नेताहरुको बैठक गराएका थिए । त्यसको फलस्वरुप ओली सरकारले अयोग्य घोषणा गरेका उपाध्यायलाई प्रचण्ड सरकारले फेरी भारतका लागि नेपाली राजदूतमा सिफारिस गरेको छ ।

सरकार ढाल्न लागि परेका पोखरेललाई पनि स्थान दिनु पर्ने तर्क देउवाले राख्दै आएका छन् । तर दाहाल भने पुर्ननिर्माण प्राधिकरण भन्दा अन्य ठाउँमा पोखरेललाई स्थान दिनु पर्ने पक्षमा छन् ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice