‘अबको सङ्घर्ष सुशासन र समृद्धिका लागि’– प्रधानमन्त्री

काठमाडौँ, ५ भदौ । प्रधानमन्त्री पुष्पकमल दाहालले अबको सङ्घर्ष सुशासन, समृद्धि र विकासका लागि हुनुपर्ने बताएका छन् ।

प्रधानमन्त्री निवास बालुवाटारमा बिहान पश्चिमाञ्चल विकास मञ्चका प्रतिनिधिमण्डलसँगको भेटमा उनले राजनीतिक परिवर्तनका लागि लामो समय खर्चिएकाले अब आर्थिक समृद्धिको दिशामा अघि बढ्नुपर्नेमा जोड दिएका छन् ।

“सुशासन, विकास र समृद्धिबिना राजनीतिक परिवर्तन दिगो हुनसक्दैन” प्रधानमन्त्रीको भनाइ उद्धृत गर्दै उनका उपस्वकीय सचिव मनहरि तिमल्सिनाले बताएका छन् ।

प्रधानमन्त्री दाहालले मधेस, पहाड र हिमाललाई जोडेर आन्तरिक राष्ट्रिय एकता सुदृढ गर्दै छिमेकीसँग सन्तुलित सम्बन्ध कायम गरी दुवै देशबाट नेपालको हितका पक्षमा काम गरी मुलुकलाई विकास समृद्धि र पुनःनिर्माणको दिशामा अघि बढाउनु आफ्नो प्राथमिकता भएको उल्लेख गरेका छन् ।

मञ्चका अध्यक्ष चन्द्र ढकालको नेतृत्वमा गएको मञ्चको प्रतिनिधिमण्डलले पश्चिमाञ्चल क्षेत्रको विकासका साझा अवधारणा र चुनौतीबारे प्रधानमन्त्रीलाई अवगत गराउँदै कठिन घडीमा बनेको सरकारलाई सफल बनाउन आफूहरुको पूर्ण सहयोग रहने जानकारी गराइएको मञ्चका महासचिव धर्मराज बरालले बताएक छन् । रासस

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice