देउवालाई हराउने योजना याक एण्ड यतिमा, पौडेललाई हराउने योजना बानेश्वरमा बन्यो

काठमाडौं, २४ फागुन । दोस्रो चरणको निर्वाचन परिणाम आफ्नो पक्षमा पार्न  कार्यबहाक सभापति रामचन्द्र पौडेल र वरिष्ठ नेता शेरबहामदुर देउवा विहानै देखि बैठकम ब्यस्त भएका छन् । अन्तिम चरणको चुनावी रणनीति बनाउन पौडेल पक्षधर नेताहरुको बैठक याक एण्ड यतिमा सुरु भएको छ भने देउवा पक्षको बैठक बानेश्वरस्थित सम्पर्क कार्यालय बसेको छ ।

दुवै प्यानलले चुनावी समिक्षा र सभापति पद जित्ने रणनीति बनाइरहेका छन् । उनीहरुले आन्तरिक र वाह्य समिक्षा समेत गरिहेका छन् । आजै दिउँसो २ बजेदेखि सुरु हुने मतदानमा दुवै पक्षले बलियो उपस्थिति जनाउने संकेत गरेका छन् ।

याक एण्ड यतिमा बसेको संस्थापन पक्षको बैठकमा सभापतिका उम्मेद्धार पौडेल, महामन्त्री प्रकाशमान सिंह, डा. रामशरण महत, शेखर कोइरालाको सहभागिता रहेको छ भने देउवा पक्षको भेलामा खुमबहादुर खड्का, बालकृष्ण खाँड लगाएतका नेताहरु सहभागि भएका छन् ।

बैठक बस्नुभन्दा अघि सभापतिका उम्मेद्धार रामचन्द्र पौडेलले निर्णायक मानिएका महामन्त्री कृष्णप्रसाद सिटौलासँग भेट गरेका छन् । उनले आफुलाई सहयोग गर्न आग्रह गरेको स्रोतले बताएको छ । सिटौलासँग भेट गरेपछि पौडेल केही आशाबादी देखिएका छन् ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice