कर्मचारीका कारण आमाको नाममा नागरिकता पाउन कठिनाइः गृहमन्त्री

काठमाडौं, १ माघ । गृहमन्त्री शक्ति बस्नेतले कानुनमा आमाको नाममा नागरिकता लिन कुनै समस्या नरहे पनि सरकारी कर्मचारीमा रहेको पुरानो मानसिकताका कारण सेवाग्राही समस्यामा परेको बताएका छन् ।
शुक्रबार राजधानीमा संचारिका समुहले गरेको अन्तक्रियामा बोल्दै गृहमन्त्री बस्नेतले  पुरानो मानसिकताका सरकारी कर्मचारीले बिभिन्न बहानामा आमाको नाममा नागरिकता नदिने गरेको आरोप लगाएका हुन् । अन्तक्रियामा सहभागी महिलाहरुले कर्मचारीले बिभिन्न बहानामा आमाको नाममा नागरिकता लिन झुलाएको गुनासो गरेपछि बस्नेतले संविधान र कानुुन ले सुनिश्चित गरेको अधिकार कर्मचारीले विभिन्न बहाना देखाएर रोक्न नपाउने भन्दै आमाको नाममा सहज रुपमा नागरिकता दिनका लागि मन्त्रालयले सबै जिल्ला प्रशासन कार्यालयहरुलाई परिपत्र जारी गर्ने आश्वासन दिएका छन् । अन्तरिम संविधान २०६३ ले नै आमाको नाममा नागरिकता दिने ब्यवस्था गरेको थियो । उक्त ब्यवस्थालाई नयाँ संविधानले समेत निरन्तरता दिएको छ । तर संवैधानिक व्यवस्थाका वाबजुद् स्थानीय निकायले सिफारिस गर्दा नै बाबु खोज्ने गरेका छन् । तर चार वर्ष पहिलेको जनगणना अनुसार नेपालमा ८ लाख ९६ हजार ८ सय बालबालिका आमासँग मात्र बस्ने गरेका छन् ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice