१२ नेपालीको स्वीस बैंक कालो धन

काठमाडौं, । अवैध रुपमा सम्पत्ति आर्जन गरी स्वीस बैंकमा लुकाएर राख्ने नेपाली सरकारको सम्पर्कमा आउन थालेका छन् । सम्पत्ति शुद्दिकरण तथा अनुसन्धान विभागले छानविन सुरु गरेलगत्तै उनीहरु सम्पर्कमा आउन थालेका हुन् ।
व्यवस्थापिका संसद्को अर्थ समितिले स्वीस बैंकमा सम्पत्ति लुकाएर राख्ने नेपालीको छानविन गर्न निर्देशन दिएपछि सम्पत्ति शुद्दिकरण तथा अनुसन्धान विभागले यस विषयमा छानविन सुरु गरेको थियो । विभागले छानविन सुरु गरेपछि स्वीस बैंकमा लगेर पैसा राख्ने नेपालीहरु सम्पर्कमा आउने क्रम सुरु सुरु भइसकेको विभागका महानिर्देशक केवलप्रसाद भण्डारीले जानकारी दिए । उनका अनुसार विभागले सरोकारबावला सबै निकायसँगको समन्वय र सहकार्यमा छानविन सुरु गरेको हो । महानिर्देशक भण्डारीका अनुसार स्वीस बैंकमा पैसा राख्ने विभिन्न १२ नेपालीको खोजी तथा छानविन भइरहेकोमा हालसम्म ६ जनाको विवरण प्राप्त भएको छ । ती ६ जना नै विभागको सम्पर्कमा आइसकेको उनले बताए । स्वीस बैंकमा पैसा राखेको चर्चामा आए पनि सम्पर्कमा आइनसकेका अन्य ६ जनाबारे अनुसन्धान भइरहेको र छिट्टै त्यसको यथार्थ पत्ता लाग्ने उनले बताए । सम्पर्कमा आइसकेका ६ नेपालीको नाम खुलाउन भने उनले चाहेनन् । नेपाल राष्ट्र बैंकको वित्तीय जानकारी एकाइ स्रोतअनुसार सम्पर्कमा आउनेमा उद्यमी –व्यापारीको संख्या बढी छ । त्यसमा चर्चित उद्योगपतिहरुसमेत रहेको स्रोतले बतायो । नेपाल र स्विटजरल्यान्डबीच वित्तीय जानकारीसम्बन्धी सम्झौता नभएका कारण छानविन तथा अनुसन्धान कार्यमा ढिलाइ भएको भए पनि दुई देशबीच विद्यमान अन्य विभिन्न कानुन र यसअघिको लामो पारस्परिक सम्बन्धका आधारमा सूचना प्राप्त गर्ने तयारी भएको उनको भनाइ छ । यसका लागि अर्को देशबीच सरकारी तहमा नै छलफल भइरहेको महानिर्देशक  भण्डारीएको राजधानी दैनिकमा समाचार छ ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice