• शुक्रबार ०३, कार्तिक २०७४

चार दिनभित्र सहमति नगरे बैठक बोलाउने सभाध्यक्षको चेतावनी

काठमाडौं । संविधानसभा अध्यक्ष सुवास नेम्वाङले सहमति गर्न प्रमुख दलका नेताहरुलाई चार दिनको समय दिएका छन् । १५ चैतसम्म सहमति नगरे संविधानसभाको बैठक बोलाउने चेतावनी समेत दिएका छन् । ‘१५ चैतसम्म सहमति नभए संविधानसभा बन्धक बन्दैन’ नेम्वाङले भने ‘त्यसपछि संविधानसभाले आफ्नो काम कारवाही अगाडी बढाउँछ ।’
बुधबार प्रमुख पार्टीका संसदीय दलका सचेतकहरुसँगको छलफल पछि नेम्वाङ यस्तो निस्कर्षमा पुगेका हुन् । उनले सिहदरवार स्थित आफ्नै कार्यकक्षमा सचेतकहरुलाई छलफलका लागि बोलाएका थिए ।
उनले दलहरुको आग्रहमा आफुले बैठक स्थगित गरेपनि प्रगति नहुने भए सधै स्थगित राख्न नसकिने बताए । ‘दलहरुले सहमति नगरे १५ गते साँझ बैठक बोलाउँछु ।’
छलफलमा कांग्रेस प्रमुख सचेतक चीनकाजी श्रेष्ठ, एमालेका अग्नि खरेल, एमाओवादीका गिरीराजमणि पोखरेल, राप्रपा नेपालका दिलनाथ गिरी, फोरम लोकतान्त्रिकका रामजनम चौधरी र फोरम नेपालका शिवजी यादव सहभागी थिए ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice