कसरी आउँछ अख्तियारलाई त्यो १० लाख ?

yeskathmanduकाठमाडौं । एमबीबीएस प्रवेश परीक्षाको प्रश्नपत्र बिक्री गर्ने गिरोहलाई पक्राउ गर्न अख्तियार दुरुपयोग अनुसन्धान आयोगले एक ब्यक्तिलाई १० लाख दियो । प्रश्नपत्र गिरोहसँग खरिद गर्न अख्तियारले दिएको १० लाख अहिले डुब्ने अवस्थामा पुगेको छ । प्रश्नपत्र बिच्ने गिरोहका विरुद्ध बलियो प्रमाण जुटाउन अख्तियारले १० लाख खर्चेको थियो । अख्तियारले दिएको  १० लाख रकमबाट रातोपुल स्थिति गोल्डेन गेट कलेजका सञ्चालक, डा. प्रभात कुमार कुशवाहबाट प्रश्नपत्र खरिद गरिएको थियो । उक्त रकम कुसवहाले तत्कालै सीता खनाललाई दिएका थिए ।
खनालले लिएको रकम घुस नभई कुसवाहबाट लिनु पर्ने रकम रहेछ । पहिले कुसवहाले खनालबाट ऋणस्वरुप १० लाख रकम लिएका रहेछन् । त्यही रकम उनले खनाललाई बुझाएको प्रहरी अनुसन्धानबाट खुलेको छ ।
२० मंसिरमा १० लाख रुपैयाँमा प्रश्नपत्र बिक्री गरेको भन्दै अख्तियारको टोलीले सातजनालाई पक्राउ गरेको थियो । परीक्षा चलिरहेका बेला रातोपुलबाट गोल्डेन गेट कलेजका तीन सञ्चालक, कुशवाहलगायत अन्य सातजना पक्राउ परेका थिए ।

सातजनालाई पक्राउ गर्न र घटनाको पर्दाफास गर्न अख्तियारले नगद १० लाख रुपैयाँ एड्भान्स स्वरुप बुझाएको थियो । तर, आजसम्म पनि अख्तियार आफैँले बुझाएको रकम निकाल्न सकेको छैन ।
प्रश्नपत्र खरिद–बिक्री हुने गरेको सूचना पाएपछि अख्तियारको टोली विद्यार्थी बनेर डा. कुशवाहको सम्पर्कमा पुगेको थियो । कुशवाहले अग्रिम १० लाख रुपैयाँ मागेका थिए । १० लाख बुझेको भोलिपल्ट कुशवाहले रातोपुलनेर भेटेर प्रश्नपत्र दिने बताए । भोलिपल्ट परीक्षा सुरु भइसकेपछि मात्र प्रश्नपत्र दिइयो । प्रश्नपत्र लिएपछि अख्तियारको टोलीले त्यहीँबाट गोल्डेनगेट कलेजका सञ्चालक देवीराम पाण्डे तथा अध्यापक खेचर सापकोटालाई पक्राउ ग¥यो । प्रश्नपत्र लिन गएका उनीहरुले हतकडी लिएर गएका थिए । अख्तियारले त्यहाँबाट सातजनालाई पक्राउ ग¥यो । टोलीले अग्रिम बुझाएको १० लाख रुपैयाँ कुशवाहले आफूले पैसा तिर्नुपर्ने सीता खनाललाई दिइसकेका रहेछन् । अख्तियारले सीतासँग पैसा फिर्ता दिन आग्रह ग¥यो । तर, सीताले कुशवाहले आफूलाई तिर्नुपर्ने पैसा तिरेको जनाउँदै पैसा फिर्ता दिन अस्वीकार गरेकी छिन् ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice