२५ वर्षदेखि बलिउडमा राज गरेका सलमानको जन्मदिन

एजेन्सी । बुलिउड इतिहास अपुरो हुन्छ, यदि सुपस्टार सलमान खानको नाम नलिने हो भने । २५ वर्षदेखि एकछत्र बलिउडमा राज जमाउँदै आएका सलमान फिल्ममा जस्तो शैलीमा देखिए, त्यो भारतीय युवा पिँढीका लागि फेसनजस्तै बन्छ । उनले फिल्म ‘तेरे नाम’मा बनाएको कपालको शैली धेरै युवाले पछ्याएका थिए । फिल्म वान्टेडमा उनले हातमा चाँदीको सिक्री लगाएका छन्, जुन फेसन बनेर नेपालसम्म आइपुगेको छ ।
प्रेमका मामिलामा बलिउडको ब्याड ब्वाई भनेर चिनिने अविवाहित सलमानले आज २७ डिसेम्बरमा आफ्नो ४९औँ जन्मदिन मनाउँदै छन् । उनले मुम्बईमा परिवार र साथीहरुका साथमा धुमधामसँग जन्मदिन मनाएको एजेन्सीले जनाएका छन् ।
२७ डिसेम्बर १९६५ मा भारतको मुम्बईमा जन्मेका सलमान खान बलिउडमा पटकथा र संवाद लेखकका रुपमा चिनिएका सलिम खानका छोरा हुन् । घरमै फिल्म क्षेत्रमा लाग्ने वातावरण भएकाले सलमानले सन् १९८८ मा फिल्म ‘बेबी हो तो ऐसी’मा छोटो भूमिका निभाएका थिए । लगत्तै सन् १९८९ मा उनी युवाको प्रेम कथामा आधारित फिल्म ‘मैँने प्यार किया’ मा प्रमुख भूमिका निभाए । अभिनेत्री भाग्यश्रीको जोडीका रुपमा दर्शकले उनलाई बेहद मन पराए । यो फिल्म सुपरहिट भइदियो । यही फिल्मबाट सलमानले फिल्म फियरमा सर्वश्रेष्ठ डेब्यु अभिनेताको अवार्ड पाए । त्यसपछि फिल्म सनम बेवफा र साजनमा देखिए । साजनमा माधुरी दीक्षितको जोडी बनेका सलमानलाई दर्शकले रोमान्टिक र भावुक अभिनेताका रुपमा मन पराए ।
बलिउडमा सधैँ तन्नेरी देखिने ४९ वर्षीय सलमानले सयभन्दा बढी फिल्ममा खेलेका छन् । उनको पछिल्लो फिल्म किकले तीन सय ५० करोडभन्दा बढी कमाएर सर्वाधिक कमाउने सूचीमा छ ।

LEAVE COMMENT

Comment *
Your Name *
Email *
Website
 

Related Posts
Don't miss it
Editors choice